ސީޕީ ހަމީދު މިމަހު 15 ގައި ރިޓަޔަކުރަނީ

ކޮމިޝަނަރު އޮފް ޕޮލިސް މުހައްމަދު ހަމީދު ފުލުހުންގެ ޚިދުމަތުން ރިޓަޔަ ކުރާތީ ފުލުހުންނާއި ބައްދަލުކުރަން ނިންމަވއިފިއެވެ.

ކޮމިޝަނަރު އޮފް ޕޮލިސް މުޙައްމަދު ހަމީދު ބުނެފައި ވަނީ ނޮވެންބަރު 11 ވަނަ ދުވަހު ނުވަތަ އޭގެ ކުރީގެ ތާރިޙެއްގައި ފުލުހުންގެ ޚިދުމަތުން ރިޓަޔަކުރާނެ ކަން އިއުލާން ކޮށްފައެވެ.

ސްޕްރިޓެންޑެންޓް އޮފް ޕޮލިސް ހަސަން ހަނީފް ސޮއިކޮށް ފުލުހުންގެ ކޮމާންޑްތަކަށް ފޮނުވި އެންގުމެއްގައި ބުނީ ސީޕީ ހަމީދު މި މަހުގެ 15 ވަނަ ދުވަހު ފުލުހުންގެ ހިދުމަތުން ޝަރަފުވެރިކަމާއެކު ވަކިވާނެ ކަމަށެވެ.

އޭގެ ކުރީން ހިދުމަތުގައި މިހާރު ތިއބި ހުރިހާ ފުލުހުންނާއި ބައްދަލުކުރަން ހަމަޖެހިފައިވާ ކަމަށް އެ އެންގުމުގައި ވަނީ ބުނެފައިއެވެ. އެެހެން ކަމުން ކޮމާންޑްތަކުގައި ހިމެނޭ ހުރިހާ މުވައްޒިފުން މިރޭ އޮންނަ ބައްދަލްވުމަށް ހާޒިރުވުމަށް ވަނީ އަންގާފައެވެ.

މިރޭގެ ބައްދަލްވުން ބޭއްވުމަށް ހަމަޖެހިފައިވަނީ 8:30 ގައި އިސްކަންދަރު ކޮށި ގްރައުންޑް ފްލޯ ގައެވެ.