ޑރ.މުއިއްޒުގެ ވެރިކަމުގެ ފުރަތަމަ 100 ދުވަހސް ތެރޭގައި އިންޑިއާ ސިފައިން ބޭރު ކުރަނީ

އިންތިޚާބީ ރައީސް ޑރ. މުހައްމަދު މުޢިއްޒުގެ ވެރިކަމުގެ ފުރަތަމަ 100 ދުވަހުގެ ތެރޭގައި ރާއްޖޭގައި ތިބި އިންޑިއާ ސިފައިން ބޭރު ކުރަން ނިންމައިފިއެވެ.

ޖުމްލަ 8 ދާއިރާއަކަށް މަސައްކަތްތައް ބަހާލާފައިވާ އެ ޕްލޭންގައި ރާއްޖޭގައި ޤާއިމްވެ ތިބި އިންޑިއާ ސިފައިން ބޭލުމުގެ މަސައްކަތް ވެސް މި ޕްލޭންގައި ހިމެނެއެވެ.

މީގެ އިތުރުން ދިވެހިރާއްޖޭގެ އީއީޒެޑްގެ ތެރެއިން ދެކުނު ކަނޑުގެ ސަރަހައްދުން ބައެއް ގެއްލޭ ގޮތަށް އިންޓަރނޭޝަނަލް ޓްރައިބުނަލް އޮފް ލޯ އޮފް ދަ ސީ އިންކޮށްފައިވާ ޙުކުމް އިސްތިއުނާފް ކުރުން ވެސް ޑރ. މުޢިއްޒުގެ ވެރިކަމުގެ ފުރަތަމަ 100 ދުވަހުގެ ޕްލޭންގެ ތެރޭގައި ހިމެނެއެވެ.

ރާއްޖޭގައި ތިބި ބޭރުގެ ސިފައިން އަނބުރާ ފޮނުވައިލުމާއި ގެއްލުނު ކަނޑުގެ ސަރަހައްދު އަނބުރާ ހޯދުމުގެ ވާހަކައަކީ ޕީއެންސީގެ ރިޔާސީ ޓިކެޓްގައި ރިޔާސީ ރޭހުގައި ވާދަކޮށް ކާމިޔާބު ހޯއްދެވި ޑރ. މުޢިއްޒުގެ ކެމްޕޭނު ތެރޭގައި ވެސް އެންމެ ގަދައަށް ދެކެވުނު އެއް ވާހަކައެވެ.