ފެނަކައިގެ އެމްޑީއަކަށް މުޢާޒް

ފެނަކަ ކޯޕަރޭޝަން ލިމިޓެޑްގެ މެނޭޖިންގ ޑިރެކްޓަރަކަށް މަޑަވެލީ ދާއިރާގެ ކުރީގެ މެންބަރު މުޢާޒު މުޙައްމަދު ރަޝީދު އައްޔަން ކުރައްވައިފިއެވެ.

ފެނަކައިގެ އެމްޑީއަކަށް މުޢާޒު އައްޔަން ކުރެއްވުމާ ގުޅިގެން ކުންފުނީގެ މެނޭޖްމެންޓް އަދި މުވައްޒަފުންގެ ފަރާތުން ވަނީ މަރުހަބާ ދަންނަވައިފައެވެ.

މިދިޔަ ލޯކަލް ކައުންސިލް އިންތިޚާބުގައި ޕްރޮގްރެސިވް ކޮންގްރެސް ކޯލިޝަންގެ ކެމްޕެއިން މެނޭޖަރުގެ މަގާމު ފުރުއްވި މުޢާޒް ވަނީ މި ވެރިކަން ގެންނަން ބުރަ މަސައްކަތްތަކެއް ކުރައްވައިފައެވެ.

މުޢާޒް ފެނަކައާ ހަވާލުވެވަޑައިގެންނެވިއިރު ކުންފުނީގެ ދަރަނި ވަނީ 2 ބިިލިއަން ރުފިޔާއަށްވުރެ މައްޗަށް ގޮސްފައެވެ. ރައީސް މުޢިއްޒު ކުރިން ވިދާޅުވެފައި ވަނީ ފެނަކައަށް އައްޔަން ކުރައްވާނީ މި މައްސަލަތައް ހައްލުކުރެވޭވަރުގެ ގާބިލު ބޭފުޅެއް ކަމުގައެވެ.