ޕޮންޒީ ސްކީމްގެ މައްސަލާގައި ދައުވާ ކުރަން ފޮނުވައިފައި ވަނިކޮށް އަލްހާން އެމްޑީޕީގެ ރައީސް ކަމަށް ކުރިމަތިލަނީ!

އެމްޑީޕީގެ ރައީސް ކަމަށް އެޕާޓީގެ ކުރީގެ ނައިބު ރައީސް މަޝްހޫރު ޕޮންޒީ ސްކޭމަރ އަލްހާން ފަހުމީ ކުރިމަތިލަން ގަސްތުކުރާކަން ހާމަކޮށްފިއެވެ.

އޮންލައިން ޓްރޭޑިން އިންވެސްޓް ކުރުމަށް ކަމަށް ބުނެ ރާއްޖޭގެ ގިނަ އަދަދެއްގެ އާއްމު ރައްޔިތުން އަތުން މަކަރާއި ހީލަތުން މިލިއަނުން ރުފިޔާ ނަގައި ބޮޑު ސްކޭމްއެށް ހިންގުމުގެ މައްސަލަ އަލްހާނު އާއި އޭނާގެ ކޮއްކޮ ޝަހުބާން ފަހުމީގެ އިތުރުން އެމީހުން ޕޮންޒީ ސްކޭމް ހިންގަން ބޭނުން ކުރި ކުންފުނި ކިންގްސް ކެޕިޓަލް ހޯލްޑިންގްސް ގެ މައްޗަށް ވަނީ ދައުވާ ކުރަން ޕީޖީ އަށް ފޮނުވާފައެވެ. 

"އެކްސް"ގައި ޕޮންޒީ ސްކޭމަރ އަލްހާން ކުރި ޕޯސްޓެއްގައި ބުނެފައިވަނީ އެމްޑީޕީގެ ހުސްވެފައިވާ ޕާޓީގެ ރައީސް ކަމުގެ މަޤާމަށް ކުރިމަތިލާން ގަސްތުކޮށްފައިވާ ކަމަށެވެ. މިކަމާއި ގުޅޭ އިތުރު ތަފްސީލެއް ޕޮންޒީ ސްކޭމަރ އަލްހާން ދީފައި ނުވެއެވެ.

ގިނަ ދުވަސްތަކެއް އެމްޑީޕީއާއި ދުރުގައި ހުރުމަށްފަހު ޕޮންޒީ ސްކޭމަރ އަލްހާން އަލުން އެމްޑީޕީއާއި ގުޅުނީ މިދިޔަ ސެޕްޓެމްބަރު މަހުގެ ތެރޭގައިއެވެ.

ޕޮންޒީ ސްކޭމަރ އަލްހާން އެމްޑީޕީން ވަކިވީ ރައީސް ނަޝީދު ވެރިކަމުގައި އެމްޑީޕީ ރިޕޯމް ކުރުމަށް ކުރި މަސައްކަތްތަކުގަ އުފެދުނު ހަމަނުޖެހުންތަކެއްގައެވެ.

ޕޮންޒީ ސްކޭމަރ އަލްހާން އެންމެ ފުރަތަމަ މަސައްކަތްކުރީ ކުރީގެ ރައީސް މައުމޫނު އަބްދުލްޤައްޔޫމް އުފެއްދެވި ޑީއާރުޕީގައެވެ. އޭގެ ފަހުން އެމްޑީޕީ، ޖުމްހޫރީ ޕާޓީ އަދި ޕީޕީއެމްގައި ވެސް ޕޮންޒީ ސްކޭމަރ އަލްހާން މަަސައްކަތް ކޮށްފައިވެއެވެ.