ޝަތުފާ އެމްޑީޕީން އިސްތިއުފާ ދީފި!

މި ސަރުކާރުގެ ހެލްތު މިނިސްޓްރީގެ ސީނިއާ އެގްޒެކެޓިވް ޑިރެކްޓަރުގެ މަގާމުގައި އައިމިނަތު ޝަތުފާ ޝަފީއު، އެމްޑީޕީން އިސްތިއުފާ ދީފިއެވެ. 

ޝަތުފާ އެމްޑީޕީން އިސްތިއުފާ ދީފައިވާކަން އަންގައި، އެޕާޓީގެ ޗެއާޕާސަން ފައްޔާޒު އިސްމާއީލަށް މިއަދު ފޮނުއވި ސިޓީގައި ވަނީ އެޕާޓީގެ ދަފްތަރުން އޭނާގެ ނަން އުނި ކުރަން އެދިފައިވެއެވެ. އަދި އެމްޑީޕީއަށް އަބަދުވެސް ކާމިޔާބީއަށް އެދޭ ކަމަށްވެސް ބުނެފައި އެވެ. 

ނަމަވެސް އެ ޕާޓީން އޭނާ ވަކިވި ސަބަބު އެ ސިޓީގައި ހާމަކުރައްވާފައެެއް ނުވެއެވެ.

ޝަތުފާ އެމްޑީޕީން ވަކިވެފައިވާއިރު، އޭނާ އަކީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މި ސަރުކާރުގެ ދިފާއުގައި މީސް މީޑިއާގައި ވަރަށް ބޮޑަށް ވަކާލާތު ކުރަމުންއައި ފަރާތެއްކަން ފާހަގަވެއެވެ. 

ޚާއްސަކޮށް ނިމިދިޔަ ރިޔާސީ އިންތިހާބުގެ ތެރެއިން ރައީސް ޞާލިހަށް ކެންޕެއިން ކޮށްދީ، ޕީޕީއެމް/ޕީއެންސީއަށް އޭނާ ވަނީ ވަރަށް ބޮޑަށް ފާޑުކިޔާފައެވެ.