ބޯޓު އަތުލައިގަތުމުން ހޫތީން އަލުން "ޓެރަރިސްޓް" ގްރޫޕެއްގެ ގޮތުގައި ކަނޑައެޅުމަށް އެމެރިކާއިން ނިންމައިފި!

ރަތް ކަނޑުގައި ވިޔަފާރި ބޯޓެއް އަތުލައިގަތް ކަމަށް ބުނެ ޔަމަނުގެ ހޫތީން "ޓެރަރިސްޓް" ޖަމާއަތެއްގެ ގޮތުގައި އަލުން ކަނޑައެޅުމަށް ވިސްނަމުންދާ ކަމަށް ވައިޓް ހައުސް އިން ބުނެފިއެވެ.

އެމެރިކާގެ ނޭޝަނަލް ސެކިއުރިޓީ ކައުންސިލްގެ ތަރުޖަމާނު ޖޯން ކިރްބީ ވަނީ އަންގާރަ ދުވަހު އެ އަތުލައިގަތުން ކުށްވެރިކޮށް، އެއީ "ބައިނަލްއަގްވާމީ ކަނޑުގެ ސަރަހައްދުގައި ބޯޓެއް ކަނޑުފޭރުމެއް" ކަމަށް ވިދާޅުވެފައެވެ.

ރަތް ކަނޑަކީ ދުނިޔޭގެ އެންމެ މުހިންމު އެއް ވިޔަފާރީގެ މަގު ހޮރްމުޒް ކަނޑުއޮޅިން ދަތުރުކުރާ ތަނެކެވެ.
އެމެރިކާގެ ރައީސް ޖޯ ބައިޑަންގެ ވެރިކަމުގައި ކުރީގެ ރައީސް ޑޮނަލްޑް ޓްރަމްޕްގެ ފިޔަވަޅެއް ބާތިލްކޮށް، 2021 ވަނަ އަހަރު ހޫތީން ރަސްމީކޮށް "ޓެރަރިސްޓް ޖަމާއަތެއް" އަދި "ޚާއްޞަކޮށް ކަނޑައެޅިފައިވާ ގްލޯބަލް ޓެރަރިސްޓުން" ގެ ގޮތުގައި ޑިލިސްޓް ކުރި އެވެ.

އދ އާއި އެހީދޭ ޖަމާއަތްތަކުން ވަނީ އެ ޑެޒިގޭޝަންތަކަށް ފާޑުކިޔައި، އެ ޖަމާއަތްތަކުގެ ހުރަސްތަކުގެ ސަބަބުން ހަނގުރާމަވެރި ޔަމަނަށް އެހީ ފޯރުކޮށްދިނުމަށް އުނދަގޫވާ ކަމަށް ބުނެފަ އެވެ. ޔަމަނުގެ އުތުރުގެ ބޮޑެތި ސަރަހައްދުތަކާއި ވެރިރަށް ސަނާ ކޮންޓްރޯލްކުރާ އީރާނުގެ ތާއީދު އޮންނަ ޖަމާއަތެއް ކަމަށްވާ ހޫތީން ވަނީ ފާއިތުވި ހަފްތާތަކުގައި އިސްރާއީލަށް ހަމަލާދީ މިސައިލާއި ޑްރޯން ހަމަލާދީ ރަތް ކަނޑުގައި އިސްރާއީލުގެ އުޅަނދުތައް އަތުލައިގަތުމުގެ އިންޒާރު ދީފަ އެވެ.

އާދީއްތަ ދުވަހު ހޫތީ ސިފައިން ވަނީ ގެލެކްސީ ލީޑަރ ނަމަކަށް ކިޔާ ބޯޓަކަށް އަރައިގަނެފަ އެވެ. ހޫތީ ޖެނެރަލް އަލީ އަލް މޮޝްކީ ފަހުން ޓީވީން ދެއްކެވި ވާހަކަފުޅުގައި ވިދާޅުވީ، “އިސްރާއީލުގެ ބޯޓުތަކަކީ އަޅުގަނޑުމެންނަށް ކޮންމެ ތަނެއްގައި ވެސް ޝަރުއީ އަމާޒުތަކެއް” ކަމަށެވެ.

ޖަޕާނުގެ ކުންފުންޏަކުން ހިންގާ މި ބޯޓަކީ އިސްރާއީލުގެ ވިޔަފާރިވެރިޔާ އަބްރަހަމް “ރާމީ” އުންގާރާއި ގުޅުން އޮންނަ ބޯޓެކެވެ.

އެތައް ޤައުމަކުން 25 މަސައްކަތްތެރިން ހިމެނޭ އެ ބޯޓުގެ ފަޅުވެރިން ތިބީ ހޫޘީންގެ އަތްދަށުގައެވެ. އެމީހުން ވަގުތުން ޝަރުތުތަކާ ނުލައި ދޫކޮށްލުމަށް ކިރްބީ ގޮވާލެއްވިއިރު، އެފަދަ ހަމަލާތަކުގައި އީރާނުން ބައިވެރިވާ ކަމަށް ތުހުމަތު ކުރެއްވި އެވެ. އީރާނުން ބޭނުންކުރާ އުކުޅުތަކެއް ކަމަށް، ތަހުލީލު ކުރާ ފަރާތްތަކުން ބުނެފައިވާ މި ރޭޑްގެ ސަބަބުން ހޫތީންނަށް ރަތް ކަނޑުގައި މިފަދަ ހަމަލާތައް އިތުރުވެދާނެ ކަމުގެ ބިރު ވަނީ އުފެދިފަ އެވެ.

އެ ޖަމާއަތަކީ އީރާނުގެ ތާއީދު އޮންނަ އަދި އިސްރާއީލާއި އެމެރިކާއާ ޢަދާވާތްތެރި މުޅި ސަރަހައްދުގައި ހަތިޔާރު އެޅި ޖަމާއަތްތަކުގެ ނެޓްވޯކެއް ކަމަށްވާ "އެކްސިސް އޮފް ރެސިސްޓެންސް" ގެ މެމްބަރެއްގެ ގޮތުގައި ދެކޭ ޖަމާއަތެކެވެ.

އެއީ ބައިޑަންގެ ވެރިކަމުގައި ހޫތީންނަށް "ޓެރަރިޒަމް" ގެ ނަންތައް އަނބުރާލުމަކީ 2015 ވަނަ އަހަރުން ފެށިގެން ސަރުކާރާއި ސައުދީ ތާއީދު އޮންނަ ކޯލިޝަނަކާ ކުރިމަތިލާން ޖެހިފައިވާ ޔަމަނަށް އިންސާނީ އެހީ ފޯރުކޮށްދިނުމަށް މަގުފަހިކޮށްދިނުމެވެ. ބައިޑަންގެ ވެރިކަމުގައި ވަނީ އޭގެ ފަހުން މަދުވެގެން އިތުރު ފަހަރަކު ހޫތީން "ޓެރަރިސްޓް" ޖަމާއަތެއްގެ ގޮތުގައި އަލުން ކަނޑައެޅުމަށް ވިސްނާފަ އެވެ.