އިޒްރޭލާ ގުޅުން ކަނޑާލުމަށް އިސްލާމީ ގައުމު ތަކަށް އިރާންގެ ރައީސް ގޮވާލައިފި!

އަރަބި-އިސްލާމީ ގައުމުތަކުން އިޒްރޭލާ އިގްތިިސާދީ ގުޅުންތައް ކަނޑާލުމަށް އިރާނުގެ ރައީސް ގޮވާލައިފިއެވެ.

މިއީ އެމެރިކާއާއި އިސްރާއީލުން ޣައްޒާގައި ހިނގާ ހަނގުރާމަ ހުއްޓުވުމަށް ބާރު އެޅުމުގެ ގޮތުން ގޮވާލެއްވި ގޮވާލުމެކެވެ.

"އެމެރިކާއާއި ޒަޔަނިސްޓް ދުޝްމަނުން (އިޒްރޭލް) ޣައްޒާއަށް ބޮން އެޅުން ހުއްޓުވުމަށް ބޭނުން ކުރެވެން ހުރި ހުރިހާ ވަސީލަތެއް ބޭނުން ކުރަން ޖެހޭނެ" ރައީސީ ވިދާޅުވި އެވެ. ރައީސީ މިހެން ވިދާޅުވީ ރިޔާދުގައި ބޭއްވި ލީގް އޮފް އަރަބް ސްޓޭޓްސް (އެލްއޭއެސް) އާއި އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ޖޮއިންޓް ސަމިޓްގައެވެ.

"އިސްލާމީ ގައުމުތަކުން ޒަޔަނިސްޓް ވެރިކަމާ އެކު އޮތް ހުރިހާ ސިޔާސީ އަދި އިގްތިސާދީ ގުޅުންތައް ނިންމާލުން މުހިންމު. މި ގޮތުން ޒަޔަނިސްޓުންނާއި އެކު ވިޔަފާރި ކުރުން ހުއްޓާލާ: އިސްރާއީލަށް ތެޔޮ މަނާކުރުމަކީ އިސްކަން ދޭންޖެހޭ ކަންކަން ރައީސީ ފާހަގަކުރެއްވިއެވެ.

މީގެ ކުރިން ސީރިއާގެ ރައީސް ބައްޝާރު އަސަދު ވަނީ އިސްލާމީ ގައުމުތަކުން އިޒްރޭލާ ގުޅުން ކުޑަކުރުމަށް ގޮވާލައްވާފައެވެ.

އިޒްރޭލުން ޣައްޒާއަށް ދެމުންދާ ހަމަލާތަކުގައި މިހާރު 11،000 އަށް ވުރެ ގިނަ މީހުން ވަނީ ޝަހީދު ކޮށްލާފައެވެ.