އިސްރާއީލާއި ހަމާސް ހަނގުރާމަ ފެށުނު ފަހުން ޔަހޫދީންނާ ދެކޮޅު ހާދިސާތައް އިތުރުވެފައިވާ ކަމަށް ޖަރުމަނުން ބުނެފި އެވެ

މީގެ އެއް މަސް ކުރިން ހަމާސް އިން އިސްރާއީލަށް ދިން ހަމަލާތަކަށް ފަހު ޖަރުމަނުގައި ޔަހޫދީންނާ ދެކޮޅު ހާދިސާތައް ވަރަށް ބޮޑަށް އިތުރުވެފައިވާ ކަމަށް ސަރުކާރުގެ ކޮމިޝަނަރަކު ވިދާޅުވެއްޖެ އެވެ.
 "އޮކްޓޯބަރު ހަތް ވަނަ ދުވަހުން ފެށިގެން އަޅުގަނޑުމެންނަށް ފެނުނު އެއްޗަކީ ޖަރުމަނުގައި ދިގު ޒަމާންތަކެއް ވަންދެން ނުފެންނަ މިންވަރަށް ޔަހޫދީންނަށް ނަފްރަތުކުރުން،" ޖަރުމަނުގައި ޔަހޫދީ ދިރިއުޅުމާއި އެންޓިސެމިޓިޒަމްއާ ދެކޮޅަށް ހަނގުރާމަކުރާ ފެޑެރަލް ގަވަރމަންޓް ކޮމިޝަނަރު ފެލިކްސް ކްލޭއިން އަންގާރަ ދުވަހު ނޫސްވެރިންނަށް ވިދާޅުވި އެވެ. ޖަރުމަނުގެ ފެޑެރަލް ކްރިމިނަލް ޕޮލިހުން ބުނެފައި ވަނީ "މެދުއިރުމަތީގެ ހަމަނުޖެހުންތަކާ ގުޅިގެން މަދުވެގެން 2،000 ޖަރީމާ ހިންގާފައި" ކަމަށް ކްލޭއިން ވިދާޅުވި އެވެ، ​​ ކްލޭއިން ވިދާޅުވީ ޖަރުމަނުގެ މަގުތަކާއި ސްޓާ އޮފް ޑޭވިޑް ޖަހާފައިވާ ޔަހޫދީ އާއިލާތަކުގެ ގެތަކާއި ޔަހޫދީ ކޮމިއުނިޓީ ސެންޓަރަކަށް މޮލޮޓޯވް ކޮކްޓެއިލް އިން ހަމަލާދިން ހާދިސާތައް ރިޕޯޓްކޮށްފައިވާ ކަމަށެވެ. ޖަރުމަނުވިލާތުގައި ޔަހޫދީންނާއި އިސްރާއީލުގެ މުއައްސަސާތަކުގެ ސަލާމަތީ ފިޔަވަޅުތައް ޖަރުމަނު ސަރުކާރުން އިތުރުކޮށްފައިވާ ކަމަށް ކްލޭއިން ވިދާޅުވިއެވެ. ޖަރުމަނުގެ ފޮރިން މިނިސްޓަރު އަނާލީނާ ބާބޮކް ކުރިން ޓްވިޓާގެ ނަމުން މަޝްހޫރު އެކްސްގައި ކުރި ޕޯސްޓެއްގައި ވިދާޅުވީ ޖަރުމަނުގައި ތިބި ޔަހޫދީންނަށް "ހަމަލާއެއް ލިބޭނެ ކަމުގެ ބިރު" އޮތް ކަމަށެވެ. އެންޓިސެމިޓިޒަމްއާ ދެކޮޅަށް "ގާނޫނުގެ ފުރިހަމަ ބާރު" ބޭނުންވާ ކަމަށް ޖަރުމަނުގެ ރައްޔިތުން ނަފްރަތާ ދެކޮޅަށް ވާހަކަ ދެއްކުމަށް ގޮވާލައްވަމުން ބާބޮކް ވިދާޅުވި އެވެ. އަދި އެގައުމުގައި ޔަހޫދީންގެ ދިރިއުޅުން ހިމާޔަތްކުރުމަކީ ޖަރުމަނުގެ ވާޖިބެއް ކަމަށް ވެސް އޭނާ ވިދާޅުވި އެވެ.