އިސްރާއީލުގެ ދެކުނަށް ރޮކެޓް ހަމަލާތަކެއް ދީފި

އިސްރާއީލުގެ ދެކުނުގެ ސަރަަހައްދަށް ރޮކެޓް ހަމަލާތަކެއް ދީފިއެެވެ.

ރިޕޯޓުތައް ބުނާ ގޮތުގައި މިހަމަލާތައް އަމާޒުވެފައިވަނީ އިސްރާއީލުގެ ދެކުނުގެ ސިޓީއެއް ކަމަށްވާ އީލަޓް އަށެވެ.

ހަމަލާ ދިން ވަގުތު އިންޒާރުގެ ސައިރަންތައް އެކްޓިވޭޓް ކޮށްފައި ނުވާއިރު، ރޮކެޓް ފޮނުވަލާފައިވަނީ ކޮން ކޮޅަކުން ކަމެއް މިހާތަނަށް ރިޕޯޓުކޮށްފައިނުވެއެވެ.

މި ހަމަލާގެ ޒިންމާ މިހާތަނަށް އެއްވެސް ފަރާތަކުން ނަގާފައިނުވެއެވެ.

މިދިޔަ ހަފުތާގައި ޔަމަނުގެ ހޫތީ ހަނގުރާމަވެރިން ވަނީ އެލިއަތަށް ހަމަލާއެއް ދިން ކަމަށް ބުނެފައެވެ. އަދި އިސްރާއީލުގެ ހަމަލާތައް ހުއްޓާލައި ފަލަސްތީނަށް ކާމިޔާބު ލިބެންދެން އިތުރު ހަމަލާތަކެއް ދޭނެ ކަމުގެ އިންޒާރު ދީފަ އެވެ.