އިސްރާއީލުން ހަނގުރާމަ ހުއްޓާލުމުގެ އެއްބަސްވުމަކާއި ދިމާލަށް!

އިސްރާއީލުގެ ކެބިނެޓުން ވަނީ އޮކްޓޯބަރު މަހުގެ ހަތް ވަނަ ދުވަހު ހަމާސް ހަތިޔާރު އެޅި ޖަމާއަތުން އިސްރާއީލުގެ ދެކުނަށް ވަދެގަތް ފަހުން ޣައްޒާގައި އަޅުވެތިކޮށްފައި ތިބި ގާތްގަނޑަކަށް 50 މީހުން މިނިވަން ކުރެވޭނެ ގޮތަށް ވަގުތީ ހަނގުރާމަ ހުއްޓާލުމުގެ އެއްބަސްވުމަކަށް އެއްބަސްވެފަ އެވެ.

މި އެއްބަސްވުން އައީ ބުދަ ދުވަހުގެ ހެނދުނުގެ ވަގުތެއްގައި ވެސް ގަތަރުގެ މެދުވެރިކަމުގައި ކުރިއަށް ގެންދިޔަ އެއްބަސްވުމާ ގުޅޭ މަޝްވަރާތަކަށް ފަހު ކަމަށާއި، އިސްރާއީލުގެ މީޑިއާތަކުން ރިޕޯޓްކޮށްފައިވާ ގޮތުގައި ބޮޑުވަޒީރު ބެންޖަމިން ނަތަންޔާހޫގެ ސަރުކާރުގެ ވަޒީރުންގެ މެދުގައި ހޫނު ބަދަލުތަކެއް ހިނގާފައިވާ ކަމަށެވެ.

ބޮޑުވަޒީރުގެ އޮފީހުން ބުނީ ގާތްގަނޑަކަށް ހަތަރު ފަސް ދުވަހުގެ ގެ ތެރޭގައި ހަމާސްއިން މަދުވެގެން 50 އަންހެނުންނާއި ކުޑަކުދިން ދޫކޮށްލާނެ އެއްބަސްވުމަކަށް ސަރުކާރުން އެއްބަސްވެފައިވާ ކަމަށެވެ. އޭގެ ބަދަލުގައި އިސްރާއީލުގެ ޖަލުތަކުން ފަލަސްތީނުގެ 140 އެއްހާ ގައިދީން ދޫކޮށްލާނެ ކަމަށް ބެލެވެ އެވެ.

އެންމެ ފަހުގެ އެއްބަސްވުން އާންމުކޮށް ހާމަކޮށްފައި ނުވި ނަމަވެސް، ހަމާސްގެ ހަމަލާއަށް ފަހު އިސްރާއީލުން ވަރުގަދަ ބޮމުގެ ހަމަލާތަކެއް އަމާޒުވެފައިވާ ޣައްޒާއަށް އިންސާނީ އެހީ ފޮނުވޭނެ ކަމަށް ވެސް ބެލެވެ އެވެ. 14،100 އަށް ވުރެ ގިނަ ފަލަސްތީނުގެ މީހުން ވަނީ ޝަހީދުވެފަ އެވެ. އިސްރާއީލާއި އެހެން ބައެއް ގައުމުތަކުން ޣައްޒާގައި ބަންދުކޮށްފައި ތިބި ގާތްގަނޑަކަށް 237 މީހުން އެބަތިއްބެވެ. އެ އެއްބަސްވުމުގައި އެހެން ގައުމުތަކުގެ އަސީރުން ހިމެނޭ ކަމަށް ނުބެލެވެ އެވެ.