ކަނޑުހުޅުދޫގައި މާރަމާރީއެއް

ގއ. ކަނޑުހުޅުދޫ ގައި މާރާމާރީއެއް ހިންގާ ދެމީހަކަށް ސީރިއަސް ޒަޚަމްތަކެއްވެ ފަރުވާދޭން ފަށައިފިއެވެ. 

ފުލުހުން ބުނެފައިވަނީ، ކަނޑުހުޅުދޫގައި ދެމީހެއްގެ ދެމެދުގައި މާރާމާރީއެއް ހިނގި މައްސަލައެއްގެ ރިޕޯޓް ރޭ 21:37 ގައި ލިބިފައިވާ ކަމަށެވެ. 

އަދި މި މާރާމާރީގައި ދެމީހުންނަށްވެސް އަނިޔާވެ، އެ ދެމީހުންނަށް ގއ އަތޮޅު ހޮސްޕިޓަލުގައި ފަރުވާދެމުންދާ ކަމަށެވެ. އެއީ 37 އަހަރުގެ ދިވެހި ފިރިހެނަކާއި، 40 އަހަރުގެ ދިވެހި ފިރިހެނެއް ކަމަށް ފުލުހުން މައުލޫމާތު ދެއެވެ. އަދި އެކަކުގެ ބޮލަށް ބޮޑެތި ސީރިއަސް އަނިޔާތަކެއް ވަނީ ލިބިފައެވެ. 

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.