މާދަމާ މާލޭގެ ބައެއް ސަރަހައްދުތަކުން ކަރަންޓް ކެނޑިދާނެ - ސްޓެލްކޯ

މާދަމާ މާލޭގެ ބައެއް ސަރަހައްދުތަކުން ކަރަންޓް ކެނޑިދާނެކަމަށް ސްޓެލްކޯ އިން ބުނެފިއެވެ.

މިއަދު ސްޓެލްކޯއިން ބުނީ ކަރަންޓްގެ ވިއުގަ އަޕްގްރޭޑް ކުރުމުގެ މަސައްކަތަށް މާދަމާ ހެނދުނު 9:30 އިން މާދަމާ ހެނދުނު 10:30 އަށް ގަލޮޅު ނިރޮޅުމަގު ހިމެނޭ ސަރަހައްދުން ކަރަންޓް ގެ ހިދުމަތް މެދުކެނޑިދާނެ ކަމަށެވެ.

އަދި މޮކަމުގެ ސަބަބުން ދިމާވެދާނެ ދަތިތަކަށް ސްޓެލްކޯ އިން ވަނީ މާފަށް އެދިފައެވެ.

ކަރަންޓްގެ ހިދުމަތް އެންމެ ފުރިހަމަ ގޮތުގައި ފޯރުކޮއްދިނުމަށް ސްޓެލްކޯ އިން ދަނީ މާލޭގެ އެކި ހިސާބުތަކުގައި ކަރަންޓް ވިއުގަ އަޕްގްރޭޑް ކުރަމުންނެވެ.