ފަަލަސްތީނުގެ އިސްލާމިކް ޖިހާދު ގްރޫޕުން އިސްރާއީލަށް ހަަމަލާތަކެއް ދީފި

ފަލަސްތީނުގެ އިސްލާމިކް ޖިހާދު މޫވްމަންޓް އިން ޔަހޫދީ އިސްރާއީލުގެ ސިޓީތަކަކަށް ހަމަލާތަކެއް ދީފިއެެވެ.

އިސްލާމީ ޖިހާދުގެ އަސްކަރީ ހަތިޔާރު އެޅި ގޮފި ކަމަށްވާ އަލް ޤުދުސް ބްރިގޭޑުން ބުނީ، އިސްރާއީލުގެ ގުޝް ޑާން އާއި ސްޑެރޯޓް އަދި މެފިލާސިމަށް ހަމަލާތަކެއް ދީފައިވާ ކަމަށެވެ.

އޭގެ އިތުރުން ފަލަސްތީނުގެ ހަމާސްގެ ހަތިޔާރު އެޅި ގޮފި ކަމަށްވާ އަލް ޣައްސާމް ބްރިގޭޑުންވެސް ވަނީ ބެއިޓް ލަހިޔާގެ ހުޅަނގު އުތުރުން އިސްރާއީލުގެ ޓޭންކަކަށް ހަމަލާދީފައިވާ ކަމަށް ބުނެފައެވެ. އަދި ޣައްޒާ ސިޓީގެ ހުޅަނގު ދެކުނުން ދެ ޓޭންކާއި އުުތުރުގައި ހުރި އެހެން ޓޭންކަކާއި ޔަހޫދީ ސިފައިން އުފުލާ އުޅަނދަކަށް ހަމަލާދީ ގޮއްވާލާފައިވާ ކަމަށްވެސް ހަމާސްއިން ބުނެފައިވެއެވެ.

މިއަދު ހެނދުނު އިސްރާއީލުގެ އަސްކަރިއްޔާއިން ވަނީ ރޭ ހިނގި ކުރިމަތިލުންތަކުގައި ޔަހޫދީ ސިފައިންގެ މީހަކު މަރުވެފައިވާ ކަމަށާއި، ހަމާސްގެ އިސް ލީޑަރަކު ޝަހީދުކޮށްލާފައި ކަމަށް ބުނެފައެވެ.

ހަމާސްގެ ލީޑަރަކު ޝަހީދުކޮށްލާފައިވާ ކަމަށް ޔަހޫދީން ބުނި ނަމަވެސް އެކަމާ ގުޅިގެން ހަމާސްގެ ބަހެއް މިހާތަަނަށް ލިބިފައިނުވެއެވެ.