ފަލަސްތީނުގެ ނަސްލު އެއްކޮށް ފޮހެލަން އަދި ދެތިން ހަފްތާ ބޭނުންވާ ކަމަށް ޔަހޫދީ އިޒްރޭލް އިން ބުނެފި

ފަލަސްތީނުގެ ނަސްލު އެއްކޮށް ނައްތާލުމަށް އަދި ދެތިން ހަފްތާއަށް ހުއްދަ ދީފައި ބޭއްވުމަށް ޔަހޫދީ އިޒަރޭލުގެ ފޮރިން މިނިސްޓަރ އީލީ ކޯހިން އެދެފިއެވެ. އިޒްރޭލުގެ މައާރިފް ނޫހާ ވާހަކަ ދައްކަމުން އޭނާ ބުނެފައި ވަނީ އިޒްރޭލަށް ބައިނަލްއަގްވާމީ ކުޑަ ވަރެއްގެ ފިއްތުމެއް އޮތް ކަމަށެވެ. ނަމަވެސް އަދި ކެތްތެރިވެލާފައި އިޒްރޭލުން އުދުވާނުގައި ކުރިއަށް ދިއުމަށް ދެތިން ހަފްތާ ދިނުމަށް އިޒްރޭލުގެ ހަނގުރާމައިގެ ޖަރީމާތަކަށް ވާގިވެރިވާ އެމެރިކާއާއި ހުޅަނގުން އޭނާ އެދުނެވެ.

އެމެރިކާއިން ދީފައިވާ ހަތިޔާރު ބޭނުންކޮށްގެން އިޒްރޭލުން ވަނީ ފަލަސްތީނު 11،000 ރައްޔިތުން ޝަހީދުކޮށްލާފައެވެ. އޭގެތެރޭގައި 5000 އަށްވުރެ ގިނަ ކުޑަކުދިން ހިމެނެއެވެ.