ޕީޖީ އޮފީހުން ބާއްވާ ސިޓީ ލިޔުމުގެ މުބާރާތުގައި ބައިވެރި ވުމުގެ ފުރުސަތު ހުޅުވާލައިފި

ޕްރޮސިކިއުޓަރ ޖެނެރަލް (ޕީޖީ) އޮފީހުގެ ވާދައިގެ ތައްޓަށް ބާއްވާ ސިޓީ ލިޔުމުގެ ފުރަތަމަ މުބާރާތުގައި ބައިވެރިވުމަށް ހުޅުވާލައިފިއެވެ.

މި މުބާރާތުން 1 ވަނަ ސިޓީއަށް 3000 ރުފިޔާގެ ފައިސާގެ އިނާމާއި ހަނދާނީ ލިޔުމާއި ޕްރޮސިކިއުޓަރ ޖެނެރަލްގެ ވާދައިގެ ތަށި ހުށަހަޅާފައި ވާއިރު 2 ވަނަސިޓީއަށް 1500 ރުފިޔާގެ ފައިސާގެ އިނާމާއި 2 ހަނދާނީ ލިޔުން ހަމަޖެހިފައިވާއިރު 3 ވަނަ ސިޓީއަށް 1000 ރުފިޔާގެ ފައިސާގެ އިނާމާއި ހަނދާނީ ލިޔުން ދިނުމަށް ހަމަޖެހިފައިވާ ކަމަށް ޕީޖީ އޮފީހުން ހާމަކުރެއެވެ.

މި މުބާރާތުން އެއްވަނައަށްދާ އޮފީހަކަށް ހަނދާނީ ލިޔުމާއި ޕްރޮސިކިއުޓަރ ޖެނެރަލްގެ ވާދައިގެ ތަށި ހުށަހަޅާފައި ވާއިރު 2 ވަނަ އަދި 3 ވަނަ އޮފީހަށް ހުށަހަޅާފައި ވަނީ ހަނދާނީ ލިޔުމެކެވެ.

މީގެ އިތުރުން މި މުބާރާތުގައި އެންމެ ގިނަ ސިޓީ ބައިވެރިކުރާ އޮފީހަށް ހަނދާނީ ލިޔުމާއި ޕްރޮސިކިއުޓަރ ޖެނެރަލްގެ ވާދައިގެ ތަށި ކަނޑައަޅާފައި ވެއެވެ.